विराटनगर । विराटनगर – ९ मा रहेको ग्रिनल्याण्ड कलेजले कक्षा १२ का विद्यार्थीहरुलाई विदाई गरेको छ ।
कलेजले शुक्रबार विराटनगरमा एक कार्यक्रमको आयोजना गरी विज्ञान तथा व्यवस्थापन संकायका ११ औं ब्याचको ६ सय ५० जना विद्यार्थीहरुलाई मायाको चिनो प्रदान गरी विदाई गरेको हो ।
कार्यक्रममा कलेजको लिएको आन्तरीक तथा हिसान परीक्षामा उत्कृट हुने कक्षा–१२ का विद्यार्थीहरुलाई नगदसहित पुरस्कृत गरेको छ । कार्यक्रममा उपस्थित सवैलाई कलेजमा अध्ययनरत विद्यार्थीहरुले नृत्य तथा गित गाएर मनोरञ्जन प्रदान गरेका थिए ।
कार्यक्रममा कलेजका प्रिन्सिपल दिनेश दाहाल, निर्देशक इश्वरी तथा शिक्षक भवानी दाहालले शुभकामना दिएर विद्यार्थीहरुलाई विदाई गरेको थिए । सोही अवसरमा कलेजबाट विदाई हुन लागेका विद्यार्थी समिक्षा दाहाल , प्रियंका उपाध्याय र शम्भु दाहालले कलेजमा वितेका दुई वर्षका अनुभव सुनाएका थिए ।
