काठमाडौँ । पूर्व उपप्रधान तथा शिक्षामन्त्री गोपालमान श्रेष्ठले विद्यार्थीलाई सैद्धान्तीकसंगै व्यवहारीक ज्ञान आवश्यक रहेको बताउनुभएको छ । इकेडा विद्यालयले श्री पञ्चमीको अवसरमा सोमबार आयोजना गरेको सरस्वती पुजाको विषेश पुजा पछी विद्यालयमा आयोजित कार्यक्रममा बोल्दै श्रेष्ठले बालबालिकाका लागी प्रथम गुरु बुबाआमा हुने हुदा बालबच्चालाई घरबाटै सहि शिक्षा प्रदान गर्न अभिभावकहरुलाई अनुरोध समेत गर्नुभयो । कार्यक्रमका प्रमुख अतिथी पुर्व उपप्रधान तथा शिक्षामन्त्री गोपालमान श्रेष्ठले इकेडा बिधालयका उत्कृष्ट विभिन्न कक्षाका विद्यार्थीहरुलाई प्रमाणपत्र प्रदान गर्नुभयो । विलेयालयमा अध्यनरत विद्यार्थीहरुलाई आवश्यक गुण्स्तरीय शिक्षा प्रदान गर्न आफु संधै क्रियाशिल रहेको विद्यालयकी संस्थापक प्रधानध्यापक मोहना मोथे खनालले बताउनुभयो । कार्यक्रममा इन्टरनेशनल एसोसिएसन अफ वुमन इन रेडियो एण्ड टेलिभिजन नेपालकी अध्यक्ष तथा संचारकर्मी इच्छा गुरुङ, संचारर्मी तथा इन्टरनेशनल एसोसिएसन अफ वुमन इन रेडियो एण्ड टेलिभिजन नेपालकी उपाध्यक्ष दिपाञ्जली लामा लगायतको उपस्थिति रहेको थियो । कार्यक्रममा विद्यार्थी हरुले आ–आफ्ना कला पनि प्रस्तुत गरेका थिए ।
