काठमाण्डौ । बिगतका निकै वर्षदेखि नेपाली लोक तथा दोहोरी गीत संगीतको क्षेत्रमा क्रियासिल सर्जक अर्जुन गुरुङ्गले भर्खरै मात्र अर्जुन दृष्टि युट्युब च्यानल मार्फत आफ्नो पछिल्लो प्रस्तुति “तिम्रो तस्बिर बोल्दै बोल्दैन” बजारमा ल्याएका छन् । उनले हाल सम्म थुप्रै गीत संगीत बजारमा ल्याएर अशंख्य श्रोता तथा दर्शकहरुको मन जितिसकेका छन् । प्रायजसो परदेशको बसाइमा रहने अर्जुन यस पटक भने स्वदेश फर्किएको अवसर पारेर यस गीतलाई सार्वजनिक गरेका हुन् ।
प्रस्तुत गीतमा लय तथा शब्द सिर्जना अर्जुन गुरुङ्गको नै रहेको छ भने स्वर अर्जुन कुँवर र सिमा नेपालीको सुन्न सकिन्छ । जु जु गुरुङ्गको संगीत संयोजनमा तयार भएको गीतलाई मालिका रेकर्डिङ स्टुडियोमा रेकर्ड गरिएको हो । स्वर शब्द र लयको संयोजन निकै बलियो रहेको यस गीतलाई वियोगान्त भावमा तयार पारिएको छ ।
“तिम्रो तस्बिर बोल्दै बोल्दैन” बोलको गीतको म्युजिक भिडियोमा अर्जुन कुँवर र जुना गुरुङ्गको जीवन्त अभिनय देख्न सकिन्छ । भिडियोलाई अर्जुन गुरुङ कै परिकल्पनामा तयार पारिएको हो । भिडियोलाई निर्देशन बबिता श्रेष्ठ मलेकु ले निर्देशन गरेकी हुन् भने छायांकन उत्तम हुमागाईं र सम्पादन मिन रावलले गरेका छन् ।
अर्जुन दृष्टि नामको युट्युब च्यानल मार्फत सार्वजनिक गरिएको यस गीतलाई सबैले हेरेर शेयर गरेर साथ् दिनुहुनका साथै यस युट्युब च्यानललाइ सब्स्क्राइब् गरेर पनि साथ् दिनुहुन सम्पूर्ण समक्ष सर्जक अर्जुनले अनुरोध गरेका छन् ।
भिडियो हेर्न यहाँ क्लिक गर्नु होला ।
