लोकप्रिय गायक राजेशपायल राइले नेपाली चलचित्र ‘सोल्टिनी’ को गीत गाएका छन् ।
सांगीतिक भ्रमणका लागि अमेरिका उड्नुअघि राजेशपायलले नेपाली फिल्म को गीत रेकर्ड गर्न भ्याएका हुन् । पछिल्लो समयका चर्चित गायक तथा संगीतकार प्रशान्त सिवाकोटीको शब्द तथा संगीतमा राजेशपायलले ‘सुम्निमा रानी पारुहाङ राजा हो भाकेर’ बोलको गीत गाएका हुन् ।
अनामनगरस्थित सेवा स्टुडियोमा गीत रेकर्डिङ गरिसकेपछि राजेशपायलले भने, ‘गीत निक्कै राम्रो बनेको छ ।’ यो फिल्मलाई अर्जुन सुबेदीले निर्देशन गर्दैछन् ।
राजेशपायलले गाएको ‘सुम्निमा रानी पारुहाङ राजा हो भाकेर’ गीतले फिल्म ‘सोल्टिनी हजुर’लाई चर्चा र सफलता दिने निर्माण टिमको विश्वास छ । यस गीतका लागि संगीत संयोजन गायक समेत रहेका देबेश राईले गरेका छन् ।
