विराटनगर । मोरङको जहदाकी २२ वर्षीया युवतीमाथि सामूहिक बलात्कार भएको छ ।।
मंगलबार बिहान ‘मर्निङवाक’मा निस्किएका बेला ती युवती सामूहिक बलात्कारमा परेको मोरङ प्रहरीले जनाएको छ । घटना कटहरीमा भएको हो ।
उनी हातखुट्टा बाँधेको र मुखमा पट्टी लगाएको अवस्थामा अर्धचेत भेटिएकी थिइन्। अहिले उनको विराटनगरस्थित कोशी अस्पतालमा उपचार भइरहेको मोरङ प्रहरी प्रवक्ता, डीएसपी बेदप्रकाश जोशीले जानकारी दिए ।
प्रारम्भिक अनुसन्धानले युवतीमाथि सामूहिक बलात्कार भएको देखिएको डीएसपी जोशीले बताए । ‘हामीले घटनाको अनुसन्धान शुरू गरेका छौं । घटनामा संलग्नको खोजी कार्यलाई तीव्र पारिएको छ’, उनले भने ।
ती युवतीलाई बाँस झ्याङमा कसैले नदेख्ने स्थानमा लगेर हातखुट्टा बाँधी, मुखमा पट्टी लगाएर जबर्जस्ती करणी भएको उनकी दिदीले प्रहरीलाई बताएकी छन् ।
Sorce: Hamromat
