काठमाण्डौ । बिभिन्न गीत संगीतमा कला प्रस्तुत गर्दै आएका कुमार चौलागाईंले आफ्नो पछिल्लो प्रस्तुतिको रुपमा “अन्तिम भेट” भर्खरै सार्वजनिक गरेका छन् । उनको यस भन्दा अगाडीको गीत “अभागी सभागी” हो । उक्त गीतको चर्चा सेलाउन नपाउँदै कुमारले यस गीतलाई बजारमा ल्याएका हुन् ।
प्रस्तुत गीतलाई सर्वप्रिय सर्जक शम्भु नेपालले लय तथा शब्द सिर्जना भरेका छन् । उनि पनि पछिल्लो समयका लोक संगीतका पारखीहरुको ढुकढुकी बन्न सफल पात्र हुन् । शम्भुले अहिले सम्म दर्जनौं गीतहरु आफ्नो शब्द संगीत भरिसकेका छन् ।
कुमारको भर्खरै साव्रजनिक भएको गीतमा कुमार चौलागाईं र कोपिला तामाङ्ग वाइबाको सुमधुर स्वर सुन्न सकिन्छ । वियोगान्त भावमा तयार भएको यस गीतको म्युजिक भिडियोमा आर एन कार्की, आशा बिस्वकर्मा, उमेश कार्की यु के, सदिक्षा सिग्देल, रीतिका खड्का, दिपक आले मगर र मनिषा आले मगरको जीवन्त अभिनय देख्न सकिन्छ ।
उमेश कार्की युकेको निर्देशन, मरुभूमि नारायणको छायांकन र रोशन धितालको सम्पादनमा बजारमा आएको यस गीतलाई कुमार चौलागाईं युट्युब च्यानल मार्फत सार्वजनिक भएको हो ।
भिडियो हेर्न तल क्लिक गर्नु होला ।
