काठमाडौं । बिगत निकै लामो समयदेखि नेपाली गीत संगीतको क्षेत्रमा क्रियासिल गायिका बसन्ती लामाको स्वरमा भर्खरै मात्र एक निकै कर्णप्रिय गीत सार्वजनिक भएको छ । बसन्ती लामा अफिसियल युट्युब च्यानल मार्फत सार्वजनिक भएको उक्त गीत सेलो स्वादमा ‘सुटुक्क यो मन चोर्नेलाई’ बोलको रहेको छ ।
गायिका लामाले आफु यस क्षेत्रमा क्रियासिल रहँदा “तराना कला केन्द्र समेत संचालन गर्दै आईरहेकी छिन् । उनले आफ्नो कलाकेन्द्रद्वारा धेरै कलाकार उत्पादन गरिसकेकी छिन् । बिशेष गरेर आधुनिक गीत संगीतमा समर्पित लामाले केहि लोक तथा दोहोरी गीतमा पनि स्वर भरिसकेकी छिन् । भर्खरै सार्वजनिक भएको ‘सुटुक्क यो मन चोर्नेलाई, बोलको गीत पनि लोक स्वादमा नै रहेको छ ।
लामाकै शब्द, संगितले भरिएको माथि उल्लेखित गीतलाई संगीत संयोजन भने सुन्दर लामा गरेका हुन् । सुन्दर लामा कै मिक्सिङमा तयार भएको गीतलाई त्रीताल रेकर्डिङ स्टुडियोमा रेकर्ड गरिएको हो । यस गीतको म्युजिक भिडियोमा गायिका बसन्ती लामा, अतीत ब्लोन, यली तामाङको अभिनय देख्न सकिन्छ ।
काठमाडौंंका विभिन्न ठाउँहरुको रमणीय दृष्यहरुमा छायांकन गरिएको भिडियोलाई निर्देशन भने अतित लामाले गरेका हुन् । अभिनय गर्ने अन्य कलाकारहरुमा बिकास तामाङ, सपना तामाङ र भोला तामाङ रहेका छन् । भिडियोलाई छायांकन संदेश तामाङ्ग, कोरियोग्राफी राज सरगमले गरेका हुन् भने सम्पादन अतित ब्लोनले गरेका छन् ।
लामो समय देखि नेपाली विभिन्न गीत संगीतमा साधना गर्दै आएकी गायिका लामाको ‘नेपाल गए कपाल संगै’ नेपाली फिल्मी गित, ‘किसाने रहर’ असारे गीत, ‘मायालुले वाउ भन्नेछन’, लगायत आज पनि उत्तिकै चर्चामा रहेका छन् ।
भिडियो हेर्न तल क्लिक गर्नु होला ।
