काठमाण्डौ । बद्रि लोकमाला जसले नेपाली लोक तथा दोहोरी गीत संगीतको क्षेत्र सम्वृद्धिका निमित कयौं गीत संगीत प्रस्तुत गर्यो, सोहि म्युजिक कम्पनि मार्फत बद्रि प्रसाद सिटौलाको पछिल्लो सांगीतिक प्रस्तुति “मेरै फोटो हेर्दै पो रुन्छ्यौ रे” बोलको गीत भर्खरै सार्वजनिक भएको छ । उक्त म्युजिक कम्पनि मार्फत बजारमा आएको धेरै गीतहरुले यस भन्दा पहिला पनि अशंख्य श्रोता तथा दर्शकहरुको मन जितिसकेको छ ।
माथि उल्लेखित गीत बिगतका यादहरुमा कोरिएका छन् । वियोगान्त प्रेमभावमा तयार भएको गीतमा बद्रि प्रसाद सिटौला र पार्वती कार्कीको सुमधुर स्वर सुन्न सकिन्छ । सुफिक्स मदनको संगीत संयोजनमा तयार भएको गीतमा बद्रि प्रसाद सिटौलाको लय र राजकुमार खनालको शब्द रहेको छ । गायत तथा सर्जक द्वय बद्रि प्रसाद सिटौला र राजकुमार खनालले निकै समय अगाडिदेखि नेपाली गीत संगीतमा सहकार्य गर्दै आएका छन् ।
प्रस्तुत गीतको म्युजिक भिडियो पनि गीतको भावअनुसार बगेको पाइन्छ । साजन पराजुलीको निर्देशनमा तयार भएको भिडियोमा गायक तथा सर्जक स्वयम् बद्रि प्रसाद सिटौला, लोकप्रिय गायिका गीता देबी, आर्यन बिरही, इश्वर तिमल्सिना र अर्जुन थापाको अभिन देख्न सकिन्छ । बद्रि लोकमाला युट्युब च्यानल मार्फत सार्वजनिक भएको यस गीतलाई पनि पहिलेका गीतलाई झैं मायाँ गरिदिनुहुन सम्पूर्ण समक्ष यस गीतका अनुरोध गरिएको छ ।
भिडियो हेर्न तल क्लिक गर्नु होला ।
