काठमाण्डौ । बिशेष गरेर प्रत्यक्ष दोहोरी तर्फ कहलिएका मायाँ लामा र इन्द्र मगरले आफ्नो पछिल्लो गीतको रुपमा “मुख थुन्दिउ” बोलको गीत सार्वजनिक गरेका छन् । यी सांगीतिक जोडीले यस भन्दा पहिले पनि केहि गीत संगीतमा सहकार्य गरिसकेका छन् । पहिलेका गीतलाई झैँ यस गीतलाई पनि अशंख्य श्रोता तथा दर्शकहरुले मन पराइदिनु हुनेमा मायाँ र इन्द्र ढुक्क छन् ।
निकै रोमान्चक स्वादमा तयार भएको “मुख थुन्दिउ” बोलको गीतलाई लय शब्द इन्द्र मगरले नै भरेका छन् । गीतमा इन्द्र मगर र रचना रिमालको सुमधुर स्वर सुन्न सकिन्छ । यस गीतको म्युजिक भिडियोमा रमेश श्रेष्ठ र मन्जु श्रेष्ठको आकर्षक अभिनय देख्न सकिन्छ । भिडियोलाई निर्देशन भुपेन्द्र रानाले गरेका छन् ।
मायाँ लामाको परिकल्पनामा तयार भएको भिडियोलाई छायांकन हरिश महराले गरेका हुन् भने सम्पादन रोशन धितालले गरेका छन् । गीतलाई इन्द्र मगर युट्युब च्यानल मार्फत सार्वजनिक गरिएको हो ।
भिडियो हेर्न यहाँ क्लिक गर्नु होला ।
