संगीत नै आफ्नो छवि मान्ने र नेपाली संगीत क्षेत्रमा लामो समयदेखि संघर्ष गर्दै आएका सुरेश फुयालले आफ्नो पहिलो आधिकारिक गीत ‘पहिलो माया’ सार्वजनिक गरेका छन् । नेपाल आइडलको सिजन ५ मा सहभागी भइसकेका उनी एक प्रतिभाशाली गायक हुन् । विभिन्न कभर गीतहरू गाएका सुरेशले यसपटक आधिकारिक रूपमा आफ्नो मौलिक सिर्जना दर्शकसामु ल्याएका हुन् ।
गृष्मा तामाङ र बेन अमात्यले अभिनय गरेका ‘पहिलो माया’ गीतको भिडियो अमेरिकाको मेलर्बन शहरमा छायांकन गरिएको हो, जसमा सुन्दर दृश्यहरूले गीतको रोमान्टिक भावनालाई थप आकर्षक बनाएको छ । गृष्मा र बेनलाई प्रेमिल जोडिको रुपमा भिडियोमा देखाइएको छ भने उनीहरुको पहिलो प्रेमलाई गीतमा प्रस्तुत गरिएको छ ।
निर्देशन चित लामाले गरेका छन् भने छायांकन सुनिश श्रेष्ठले गरेका छन् । एरेन्ज र मिक्सिङ सञ्जीव सुब्बाको रहेको यस गीतमा महिला भागको स्वर निशा कार्कीले दिएकी छिन् । मेकअपमा बिप्सरा तामाङको योगदान रहेको छ ।
सुरेशले यस गीतमा गीतकार, संगीतकार, र गायकका रूपमा आफ्नो क्षमता प्रस्तुत गरेका छन्, जसले नेपाली संगीतप्रेमीहरूबीच नयाँ उमंग सिर्जना गरेको छ । हाइलाइट्स नेपाल युट्युब च्यानलबाट बिहिवार सार्बजनिक भएको गीतको भिडियोलाई छोटो समयमा पनि दर्शकले रुचाएका छन् ।
