काठमाण्डौ । विभिन्न त्याग र तपस्याबाट नेपाली लोक तथा दोहोरी गीत संगीतको क्षेत्रमा आफ्नो छुट्टै पहिचान स्थापित गर्न सफल लोकप्रिय गायिका प्रतिमा अर्यालले रामकुमार महत संगको सहकार्यमा लोक दोहोरी गीत “तेलमा पानि तर्केझैँ तर्किनी” बोलको गीत भर्खरै सार्वजनिक गरेकी छिन् । हाल सम्म सयौं गीत संगीतमा स्वर भरीसकेकी उनि पछिल्लो समय धेरैजसो महोत्सवहरुमा व्यस्त हुने गायिका हुन् ।
उनै प्रतिमा र रामकुमारको प्रस्तुतिमा रहेको यस गीतलाई लय सुरज अधिकारीले भरेका हुन् भने शब्द शम्भु नेपालको रहेको छ । सर्जक सुरज निकै पुराना सर्जक हुन् । उनिद्वारा श्रीजित गीतहरु अहिले बजारमा प्रसस्त पाइन्छ । यसगरी अर्का सर्जक शम्भु पनि पछिल्लो समय हरेक संगीत पारखीहरुका सांगीतिक ढुकढुकी बन्न सफल छन् ।
“तेलमा पानि तर्केझैँ तर्किनी” बोलको गीतको म्युजिक भिडियोमा आयुष्मा कार्की र ओम राज थापाको जीवन्त अभिनय देख्न सकिन्छ । मिलन श्रेष्ठद्वारा निर्देशित भिडियोलाई सन्तोष तिमल्सिनाले छायांकन गरेका हुन् भने सम्पादन रोशन धितालले गरेका छन् । गीतमा प्रतिमा अर्याल अफिसिएल युट्युब च्यानल मार्फत सार्वजनिक गरिएको हो ।
भिडियो हेर्न यहाँ क्लिक गर्नु होला ।
