काठमाण्डाै – साफ महिला च्याम्पियनशिप फुटबलमा श्रीलङ्काले विजयी शुरुआत गरेको छ ।
त्रिपुरेश्वरको दशरथ रङ्गशालामा आज भएको खेलमा श्रीलङ्काले माल्दिभ्सलाई १–० गोलले हरायो । श्रीलङ्काकी इमेशा वर्नाकुलासुरियाले गोल गरिन् । यो जीतसँगै श्रीलङ्काले ३ अङ्क जोडेको छ ।
प्रतियोगितामा आजै आयोजक नेपाल र भुटान खेल्दैछन् । याे खेल अहिले बेलुकी साढे ५ बजे दशरथ रङ्गशालामा शुरू हुनेछ ।
साफ महिला च्याम्पियनशिपको समूह ‘ए’ मा भारत, बङ्गलादेश र पाकिस्तान छन् । यस्तै समूह ‘बी’ मा आयोजक नेपालसहित माल्दिभ्स, श्रीलङ्का र भुटान छन् । हिजोदेखि शुरू भएको प्रतियोगिता कात्तिक १४ गतेसम्म चल्ने छ ।
