फिल्म ‘एक्टर: टेक वन’को प्रदर्शन मिती पोस्टपोण्ड भएको छ । तिहारको छेको पारेर लक्ष्मीपूजा अर्थात् कात्तिक १५ गतेलाई प्रदर्शन मिति घोषणा गरेर पोस्टरदेखि टिजरसम्म सार्वजनिक भइसकेको फिल्म अब सो मितिबाट पोस्टपोण्ड भएर आगामी माघ १६ गतेलाई तय गरिएको हो।
बिहीबार निर्माण कम्पनी अदृत फिल्म्सले विज्ञप्ति जारी गर्दै मानवीय र प्राविधिक समस्याका कारण अब माघ १६ गते फिल्मलाई रिलिज गरिने जनाएको छ ।
राजन भुसालले निर्देशन गरेको फिल्मको स्क्रिप्ट आकाश बराल र राजन भुसालले ल्मिलेर लेखेका हुन् । फिल्ममा प्रदिप खड्का, आना शर्मा, दिव्या रायमाझी, र राजबल्लभ कोइरालासहित दिव्य देव, उषा रजक, र सुशील सिटौलालगायतका कलाकारहरूको प्रमुख भूमिका रहेको छ । दिव्याले यही फिल्मबाट अभिनेत्रीको रुपमा डेब्यु गरेकी हुन् । राजबल्लभले भने यही फिल्मबाट करिब १० वर्षपछि कमब्याक गरेका छन् ।
फिल्मका निर्माता थमन कुमार भण्डारी, सह-निर्माता अनीश भुसाल र क्रियटिभ प्रोड्युसर मोती कार्की हुन्। नरेन्द्र मैनालीले छायांकन रहेको फिल्मलाई निमेष श्रेष्ठले सम्पादन गरेका छन्।
रोहित शाक्य, हर्कुलस बस्नेत,र एलिस कार्कीको सङ्गीत रहेको फिल्ममा शिशिर खाती तथा किरण थापाले कोरियोग्राफी गरेका छन्।
