कोशी प्रदेश प्रहरीद्वारा ६९औं प्रहरी दिवसको अवसरमा आयोजित विशेष समारोहमा सेन्ट्रल मल्टिप्लेक्सका म्यानेजर सत्य प्रकाश लुनियालाई सामाजिक शान्ति र सुरक्षामा योगदान पुर्याएको भन्दै सम्मान प्रदान गरिएको छ।
लुनिया जो व्यवसायिक क्षेत्रका साथै सामाजिक सेवामा पनि सक्रिय छन्, उनि मारवाडी युवा मञ्च बिराटनगरका सदस्य समेत हुन् ।
विशेष कार्यक्रममा कोशी प्रदेशका प्रमुख मन्त्री हिक्मत कार्की, एस.एस.पी. जय सापकोटा, एस.एस.पी. भीम दाहाल, र एस.पी. दीपक पोखरेल लगयातको उपस्थितिमा लुनियालाइ सामाजिक योगदानको उच्च मूल्याङ्कन गर्दै उनलाई सम्मान गरिएको थियो। शान्ति स्थापनाका लागि लुनियाले खेलेको भूमिकाले प्रहरी र समाजबीचको सहकार्यलाई अझ बलियो बनाएको भन्दै कोशी प्रदेशका प्रमुख मन्त्री हिक्मत कार्की को हात बाट विशेष सम्मान प्रदान गरिएको थियो ।
सम्मान प्राप्त गर्दै लुनियाले आफ्नो व्यवसायिक जिम्मेवारीसँगै समाजसेवामा सक्रिय रहन पाएकोमा गर्व व्यक्त गरे। उनले सेन्ट्रल मल्टिप्लेक्समा म्यानेजरको भूमिका निर्वाह गर्दा समुदायसँगको सम्बन्धलाई अझ नजिक ल्याउन सफल भएको र समाजमा शान्ति र सुरक्षाको लागि योगदान गर्न पाएकोमा खुशी व्यक्त गरे।
कार्यक्रममा प्रदेशका उच्च अधिकारीहरू, सामाजिक अगुवा, र स्थानीय प्रहरी अधिकारीहरूको उल्लेखनीय सहभागिता रहेको थियो।
