काठमाण्डौ । लोकप्रिय गायक तथा सर्जक इन्द्र मगरले नेपालीहरुको महान चाड बिजया दशमी तथा दिपवालिको शुभकामना सहित आफ्नो पछिल्लो प्रस्तुति “तिम्रो छेउमा” बोलको गीत हालै सार्वजनिक गरेका छन् । बिशेष गरेर मौलिक सिर्जनालाई आफ्नो प्राथमिकतामा राख्ने उनले केहि समय अगाडी मात्रै मर्ने दिन, बोलको गीत सार्वजनिक गरेका थिए । उक्त गीतमा आफ्नो मृत्यु पश्चातका काल्पनिक कथा समाबेश गरिएको थियो ।
यस पटकको गीतमा भने निश्चल प्रेममा हेलचक्र्याई गरिको भावमा इन्द्रले “तिम्रो छेउमा” बोलको गीत ल्याएका हुन् । प्रस्तुत गीतमा इन्द्र मगर, मनिष मगर, मायाँ लामा र सबिना स्याङ्गतानको सुमधुर स्वर सुन्न सकिन्छ । गीतलाई लय तथा शब्द पनि गायक स्वयम् इन्द्रले तयार परेका हुन् ।
रमाइलो लोक चौतारी नामको युट्युब च्यानल मार्फत सार्वजनिक गरिएको यस गीतको म्युजिक भिडियोमा मायाँ लामा, मनिष मगर, मन्जु श्रेष्ठ र रमेश श्रेष्ठको जीवन्त अभिनय देख्न सकिन्छ । इन्द्र मगरद्वारा नै कन्सेप्ट तयार भएको भिडियोलाई निरेन श्रेष्ठले निर्देशन गरेका हुन् भने छायांकन मरुभुमि नायण र सम्पादन रोशन धितालले गरेका छन् ।
भिडियो हेर्न तल क्लिक गर्नु होला ।
