यम शेर्पाको लेखन तथा निर्देशनमा तयार भएको फिल्म ‘कार्साङ्’ को अफिसियल पोस्टर सहित प्रदर्शन मिति सार्वजनिक गरिएको छ ।फिल्म आगामी पुष २६ गतेबाट प्रदर्शनमा आउने भएको छ । मंगलबार पहिलो पोस्टर सार्वजनिक गर्दै प्रदर्शन मिति घोषणा गरिएको हो ।सार्वजनिक पोस्टरमा फिल्मका प्रमुख अभिनेता दयाहाङ राई र नव अभिनेत्री सिर्जना निङलेखु प्रस्तुत छन् ।सार्वजनिक पोस्टरमा गाउँको पुरानो घरको दृश्य देखाइएको छ । सुरुवाल मात्र लगाएर रिसाएको भावमा देखिएका उनको कसैसँग ठूलै झगडा भएको प्रष्ट बुझिन्छ ।
दयाहाङको छेउमा उनकी श्रीमतीको भूमिकामा रहेकी सिर्जना परम्परागत शेर्पा पोशाकमा आँगनमा बसेर रोइरहेकी छन् । पोस्टरले बलियो दृश्यभाषाको संकेत गर्छ ।
शेर्पा समुदायको संस्कृतिमा आधारित भएर बनेको फिल्ममा दयाहाङ र सिर्जनासहित दीया मास्के, जितु नेपाल, बुद्धि तामाङ, सृष्टि गौतम, डोमा ह्योल्मो, प्रेम लोप्चन, सुरवीर पण्डित लगायतको अभिनय छ भने निर्माणमा पुरूषोत्तम प्रधान फिल्म्ससँगको सहकार्य रहेको छ ।
