काठमाण्डौ । बिगत निकै लामो समयदेखि नेपाली सांगीतिक क्षेत्रमा योगदान पू-याउँदै आएका गीतकार-तथा साहित्यकार गणेश चौलागाईंको लय शब्दमा ‘म आएको तिमीलाई देखेर’ बोलको गीत भर्खरै सार्वजनिक भएको छ । यस भन्दा पहिले उनले धेरैजसो गीतमा शब्द मात्र भर्ने गर्दथे । तर यसपटक भने चौलागाईंले लय समेत भएर यस गीतलाई आफ्ना अशंख्य श्रोता तथा दर्शक माझ पठाएका छन् । गीतमा समिक्षा अधिकारी र प्रकाश सापकोटाको सुमधुर स्वर सुन्न सकिन्छ ।
हाल परदेशी भूमी रोमानियालाई कर्मथलो बनाउँदै आएका उनिद्वारा सृजित यस गीतको म्युजिक भिडियो पनि निकै आकर्षक ढंगले तयार गरेर बजारमा पठाईएको छ । भिडियोमा अश्मिता पुरी र बिजय पुनको अभिनय देख्न सकिन्छ ।
सुबास रेग्मीको निर्माणमा तयार भएको भिडियोलाई स्मृति तिमल्सिना गुरुआमाले निर्देशित गरेकी हुन् भने छायांकन अजय रेग्मी र सम्पादन मनोज कार्कीले गरेका हुन् । लोक शैलीको रोमान्टिक गीतमा युवायुवतीले माया प्रेमको कुरा र एकअर्काप्रतिको भावना दर्शाइएको छ । गीतको भिडियोलाई बिन्ध्यबासिनी म्युजिक प्रालिको युट्युब च्यानल मार्फत सार्वजनिक गरिएको हो ।
भिडियो हेर्न तल क्लिक गर्नु होला ।
