काठमाण्डौ । हाल प्रबाशमा रहेकी गायिका तथा सर्जक लक्ष्मी के.सी ले भर्खरै मात्र आफ्नो पछिल्लो प्रस्तुतिको रुपमा “लेकै सल्लो” बोलको गीत सार्बजनिक गरेकी छिन् । उनले केहि समय अगाडी मात्रै लागें परदेश बोलको गीत बजारमा ल्याएकी थिइन् । उक्त गीतको सफलता पछी लक्ष्मीले यस गीतलाई सार्वजनिक गरेकी हुन् ।
घर परिवारबाट टाढा हुँदै आफु परदेशमा रहँदा निसासिएको मनलाई फुरुङ्ग बनाउँन उनले बेलाबखत यस्ता गीतहरु सार्वजनिक गर्ने गर्दछिन् । लक्ष्मीको पछिल्लो गीतमा उद्धब कार्की र उनि स्वयम् को सुमधुर स्वर सुन्न सकिन्छ । लक्ष्मी के.सी कै लय तथा शब्द सृजनाले सजिएको गीत, प्रेममा एक-अर्काको मनोभाव नबुझेपछिको वियोगान्त कथामा तयार पारिएको छ ।
यस गीतको म्युजिक भिडियोमा बिमल अधिकारी, आयुष्मा कार्की र लक्ष्मन पुडासैनीको अभिनय देख्न सिकन्छ । “लेकै सल्लो” बोलको गीतको म्युजिक भिडियोलाई निर्देशन मिलन श्रेष्ठले गरेका हुन् भने छायांकन सन्तोष तिमल्सिना र सम्पादन रोशन धितालले गरेका छन् । गीतको अडियो तथा भिडियोलाई डाँफे लाइभ दोहोरी नामको युट्युब च्यानल मार्फत सार्वजनिक गरिएको छ ।
भिडियो हेर्न यहाँ क्लिक गर्नु होला ।
