काठमाण्डौ । घर देशबाट निकै टाढा रहेर आफ्नो दैनिकी गुजारीरहेका एक परदेशी युवाको कथामा भर्खरै रबि रबिन्द्रले “बाटो कुर्दा कुर्दै” बोलको गीत ल्याएका छन् । उनले यस भन्दा पहिले पनि एक गीत सार्वजनिक गरेर अशंख्य श्रोता तथा दर्शकहरुको मन जितिसकेका छन् ।
दोलखाली युवा रबि रबिन्द्रको यस पटक बजारमा आएको गीतमा रबि रबिन्द्र संगै सुमित्रा बि.क को सुमधुर स्वर सुन्न सकिन्छ । आफ्नो श्रीमानले परदेशमा खुनपसिना बगाईरहँदा उनकी अर्धांगिनीले बाटो कुर्दै गरेको बिलौनालाई गीतमा बुनिएको छ । गीतमा जय देवकोटाले लय तथा शब्द सिर्जना भरेका छन् ।
रबि रबिन्द्र नामको युट्युब च्यानल मार्फत सार्वजनिक गरिएको “बाटो कुर्दा कुर्दै” बोलको गीतको म्युजिक भिडियोमा रबि रबिन्द्र, हिमा थापा र जीवन सिंहको आकर्षक अभिनय देख्न सकिन्छ । भिडियोलाई निर्देशन कपिल मगरले गरेका हुन् भने छायांकन हरिश महरा र सम्पादन अनिल रानाले गरेका छन् ।
भिडियो हेर्न यहाँ क्लिक गर्नु होला ।
