काठमाण्डौ भाद्र १४ – बिभिन्न लोक तथा दोहोरी गीतहरु प्रस्तुत गरेर अशंख्य श्रोता एवम् दर्शकहरुको मन जित्न सफल लोकप्रिय गायक तथा सर्जक अमृत आचार्य माइला गुरुले नेपालीहरुको महान चाड बिजया दशमी तथा दिपावलीको शुभकामना सहित “फरक परदेशी” बोलको गीत सार्बजनिक गरेका छन् । उनले यस भन्दा पहिले पनि थुप्रै गीत संगीतहरु पस्किसकेका छन् । बिशेष गरेर मौलिक गीत संगीत प्रस्तुत गर्दै आएका गुरु, सिन्धुपाल्चोक जिल्लाका शान हुन् ।
उनको पछिल्लो समय सार्बजनिक बहेको गीतमा लय अमृतले नै भरेका छन् भने शब्द साजन पराजुलीको रहेको छ । निकै घत लाग्दो स्वादमा तयार भएको गीतमा स्वर अमृत आचार्य माइला गुरु, लक्ष्मी परियार र जनार्दन अधिकारीको सुमधुर स्वर सुन्न सकिन्छ । अमृत आचार्य युट्युब च्यानल मार्फत सार्बजनिक गरिएको यस गीतको म्युजिक भिडियोमा साजन पराजुली, सबिता खड्का र जनार्दन अधिकारीको आकर्षक अभिनय देख्न सकिन्छ ।
भिडियोलाई निर्देशन उमेश कार्की यु के ले गरेका हुन् भने छायांकन मारुभुमी नारायण र सम्पादन रोशन धितालले गरेका छन् । गायक तथा सर्जक अमृतले यस भन्दा पहिलेका गीतलाई जसरी माया गरिदिनु भयो यस गीतलाई मायाँ गरिदिनु हुन सम्पूर्ण श्रोता एवम् दर्शकहरु माझ आग्रह गरेका छन् ।
भिडियो हेर्न तल क्लिक गर्नु होला ।
