काठमाण्डौ श्रावन ३१ – श्रष्ठा सर्जकको हक हितका निमित्त काम गर्ने भनेर खोलिएका संघ संस्थामा कुनै नेतृत्व यस्ता देखिन्छन्, जसलाई त्यो क्षेत्र संग सम्बन्धित कुनै ज्ञान नै छैन र उ त्यो क्षेत्र संग सम्बन्धित नै छैन । तर राष्ट्रिय संगीतकर्मी संघका अध्यक्ष बिक्रम जङ्ग शाह भने बिगत निकै लामो समय देखि संगीत क्षेत्रमा क्रियासिल छन् । उनि संगीत क्षेत्रमा मात्र होइन चलचित्र निर्माण र समाजसेवामा पनि क्रियासिल देखिन्छन् । उनै बिक्रमको पछिल्लो सांगीतिक प्रस्तुति “गर्ल फ्रेन्ड छोडे मैले” भर्खरै सार्बजनिक भएको छ ।
सुन्दा तीज गीत जस्तो लाग्ने तर सम्बन्धित कलाकारले यो गीत तीज गीत होइन भनेका छन् । प्रस्तुत गीतमा बिक्रम जङ्ग शाह र टिका पुनको सुमधुर स्वर सुन्न सकिन्छ । बिक्रमको यो प्रस्तुतिलाई लय शब्द भने अशंख्य गीत संगीतमा काम गरिसकेका लोकप्रिय सर्जक यज्ञ बि.क ले भरेका हुन् ।
गीत निकै उत्कृष्ठ बनेको छ र थप उत्कृष्ठ बनाउनको लागी म्युजिक भिडियो निर्माणमा पनि कुनै कन्चुसाई गरिएको छैन । “गर्ल फ्रेन्ड छोडे मैले” बोलको गीतमा पल शाह, विजय पुन, बिष्णु दगामी मगर र यानी पुन मगरको आकर्षक अभिनय देख्न सकिन्छ । बिक्रम चौहान द्वारा निर्देशित भिडियोलाई छायांकन अर्जुन तिवारीले गरेका हुन् भने सम्पादन मिलन बिस्वकर्माले गरेका छन् ।
भिडियो हेर्न तल क्लिक गर्नु होला ।
