गायक केशव एस दाहालको पूर्वेली गीत ‘मुटु कटकटी’ को भिडियो सार्वजनिक भएको छ । सिडी विजय अधिकारीको शब्द र सगीत तथा राजु कार्कीको एरेन्ज रहेको गीतलाई गत शुक्रबार सार्वजनिक गरिएको हो ।
पछिल्लो समयका लोकप्रिय कलाकारहरु निक्स शर्मा ,बिना राउत र सिडी विजय अधिकारीको अभिनय रहेको भिडियोलाइ युवा निर्देशक प्रहिल कार्कीले निर्देशन गरेका हुन् । भिडियोमा उत्तम हुमागाईको सिनेमाटोग्राफी र माधव बेलबासेको कलर ग्रेडिङ र राकेश दाहालको सम्पादन रहेको भिडियोलाइ गायक केशव एस दाहालको च्यानल ( Keshab S.Dahal) मार्फत सार्वजनिक गरिएको हो ।
