काठमाण्डौ श्रावन १३ – स्थायी घर काभ्रे भएका लोकप्रिय गायक तथा सर्जक उमेश श्रेष्ठको पछिल्लो गीत “बाध्यता” भर्खरै सार्बजनिक भएको छ । उनले यस अघि पनि थुप्रै गीतहरु बजारमा ल्याएर अशंख्य श्रोता तथा दर्शकहरुको मन जितिसकेका छन् । गायक तथा सर्जक उमेशको पछिल्लो समय बजारमा आएको गीतमा बाध्यता र विवसताका कारण परदेशिनु पर्दाका पिंडा समाबेश गरिएको छ ।
“बाध्यता” बोलको गीतमा जनक लामा उमेश श्रेष्ठ र अर्चना स्याङ्गतानको सुमधुर स्वर सुन्न सकिन्छ । गीतलाई लय गायक स्वयम् उमेशले भरेका हुन् भने शब्द देबेन्द्र लामिछानेको रहेको छ । निकै कर्णप्रिय स्वादमा तयार पारिएको यस गीतको म्युजिक भिडियो पनि निकै आकर्षक बनेर सार्बजनिक भएको छ ।
भिडियोमा सिद्धार्थ जयगडी र रुबिना कार्कीको अभिनय देख्न सकिन्छ । शिशिर बुढाथोकी द्वारा निर्देशित भिडियोलाई छायांकन नरेश आएरले गरेका हुन् भने सम्पादन कल्पेश बिस्वकर्माले गरेका हुन् । गीतको अडियो तथा भिडियोलाई उमेश कभर मिडिया युट्युब च्यानल मार्फत सार्बजनिक गरिएको हो ।
भिडियो हेर्न तल क्लिक गर्नु होला ।
