काठमाण्डौ असार २५ – बिस्वको जुनसुकै कुनामा पुगेता पनि आफ्नै कला संस्कृति र मौलिकतालाई नभुल्ने लोकप्रिय गायक तथा सर्जक समिर आचार्यले भर्खरै मात्र आफ्नै लय सिर्जनामा “मायाजाल” बोलको गीत सार्बजनिक गरेका छन् । उक्त प्रस्तुति सबिना सापकोटाको नाममा सार्बजनिक भएको हो ।
भानुभक्त कटुवालको शब्द द्वारा सजिएको गीतमा समिर आचार्य, कान्त खड्का, सबिना सापकोटा र सुनिता शर्माको सुमधुर स्वर सुन्न सकिन्छ । प्रस्तुत गीतमा आफुले माया गरेको मान्छेलाई मायाको कुनै कमि नहोस भन्दै भगवान पशुपतिनाथ पुकारिएको कथावस्तु समाबेश गरिएको छ ।
निकै रोमान्चक र नाचौं नाचौं लाग्ने यस गीतको म्युजिक भिडियोमा सौगात पनेरु र निहारिका थापाको आकर्षक अभिनय देख्न सकिन्छ । यस गीतको म्युजिक भिडियोलाई मिलन श्रेष्ठले निर्देशन गरेका हुन् भने छायांकन सन्तोष तिमल्सिना र सम्पादन रोशन धितालले गरेका छन् । “मायाजाल” बोलको गीतलाई समिर आचार्य युट्युब च्यानल मार्फत सार्बजनिक गरिएको हो ।
भिडियो हेर्न तल क्लिक गर्नु होला ।
