कलाकारिता विधामा सधै केही नयाँ गरौँ भन्ने उद्देश्य बोकेका कलाकार, सञ्चारकर्मी एवम् निर्देशक हुन् दिनेश डिसी । आफ्नो सृजनामार्फत युवा पुस्तालाई पनि शिक्षा मिलोस् भन्ने हेतुले डिसीले निर्देशन गरेको युगकवि सिद्दिचरण श्रेष्ठको रचना एवं स्वरसम्राट नारायण गोपालको स्वर तथा संगीत रहेको गीत ‘मेरो प्यारो ओखलढुंगा…’को भिडियो सार्वजनिक गरिएको छ । भिडियो आज परेको युगकवि सिद्धिचरण श्रेष्ठको ११०औँ जन्मजयन्तिको अवसरमा सार्वजनिक गरिएको हो ।
यो भिडियोलाई युगकवि सिद्धिचरण प्रतिष्ठानले निर्माण गरेको हो । भिडियोमा युगकविको वारेमा अध्ययन गर्न चाहने दुई विद्यार्थीको खोजमुलक यात्रालाई देखाइएको छ । भिडियोमा दिनेश डिसी, समीक्षा पोखरेल र महेश खड्काको अभिनय रहेको छ ।
