काठमाडौँ – बरिष्ठ गीतकार हिरा काजी थापाको उत्कृष्ट शब्दमा बरिष्ठ गायक, संगीतकार नागेन्द्र श्रेष्ठको संगीत सिर्जना रहेको गीत तथा सुमधुर स्वरकी धनि लोकप्रिय गायिका अन्जु पन्त आवाजमा रहेको गित ‘मैले रुँदा’ बोलको गित बाट राजधानीमा सम्पन्न नेसनल इन्टरटेन्मेण्ट अवार्ड-२०२१’ मा एकै पटक ६ वटा विधामा अवार्ड जित्न सफल भएको छ।
मैले रुँदा बोलको गित बाट सर्वोत्कृष्ट गायिका (आधुनिक) अन्जु पन्त, सर्वोत्कृष्ट संगीतकार (आधुनिक) नागेन्द्र श्रेष्ठ, आधुनिक गीतकार जुरी हिराकाजी थापा, सर्वोत्कृष्ट म्युजिक भिडियो निर्देशक आधुनिक हिराकाजी थापा, सर्वोत्कृष्ट म्युजिक भिडियो मोडल महिला आधुनिक समिक्षा पोखरेल, नब मोडल आधिनिक प्रविन डिसीले अवार्ड चुम्न सफल भएका थिए।
विदेशमा बसेर नेपाली गित संगीतको ईतिहासमा अमिट छाप छोड्न सफल गीतकार हिरा काजि थापा र संगीतकार नागेन्द्र श्रेष्ठ सांगीतिक क्षेत्रमा नक्षत्र बनेर चम्किरहेका छन्। दर्जनौ चर्चित गित संगीत नेपाली सांगीतिक क्षेत्रलाइ समर्पण गरिसकेका हिराकाजी थापा भर्सटायल सर्जकको रुपमा समेत परिचित छन्। आफ्नो गित बाट ६ वटा अवार्ड जित्न सफल भएकोमा हर्षित हुनको साथै सांगितक क्षेत्रमा अझ बढि ससक्त भएर लाग्ने उर्जा प्रदान भएको जानकारी गराएका छन्।
