नेपाल स्वास्थ्य अनुसन्धान परिषद् (एनएचआरसी) ले नेपालमै बनेको औषधि कोरोना विरुद्दको उपचारमा परीक्षण गर्ने भएको छ । कोरोना भाइरसका संक्रमितको उपचारमा प्रयोग गरेर यसको प्रभाव कस्तो देखिन्छ भन्ने अध्ययन थालिएको एनएचआरसीले जनाएको छ ।
इन्फ्रलु एन्जाका लागि नेपाली कम्पनी देउराली जनता फर्माले बनाएको FAVIPIRAVIR औषधिको परीक्षण गरिन लागेको हो । कम्पनीले यो औषधि कोरोना विरुद्दको उपचारमा पनि प्रभावकारी हुन सक्ने बताउँदै आएको छ । विश्वका विभिन्न देशले विभिन्न फ्लुका लागि बनाएका औषधिहरु नै कोरोना विरुद्दको उपचारमा पनि प्रयोग गरिरहेकाले नेपालले पनि परीक्षण गर्न लागेको हो ।
‘स्वदेशी कम्पनीले नै बनाएको औषधि हो, इन्फ्लु एन्जाको लागि बनाएको औषधि हो’ एनएचआरसीका सदस्य सचिव डा. प्रदीप ज्ञवालीले भने, ‘स्वदेशी कम्पनीले बनाएको औषधि स्वदेशमै परीक्षण गर्न लागिएको हो ।’
