चलचित्र ‘दर्पण छायाँपछि’ निर्माण हुने भएको छ । कुनै समयको सर्वाधिक सफल चलचित्र ‘दर्पण छायाँ’का कलाकारको टिमले नै यस चलचित्रको निर्माण गर्न लागेकाे हाे ।
दर्पण छायाँ चलचित्रमा देखाइएको कथाबाट नै ‘दर्पण छायाँपछि’को कथा सुरु हुने बताइएको छ । अहिले चलचित्रको कथा दर्पण छायाँका मुख्य कलाकार उत्तम प्रधानले लेखिरहेका छन् ।
दर्पण छायाँका मुख्य कलाकार उत्तम प्रधान, दिलीप रायमाझी र निरुता सिंहले निर्माण गर्ने ‘दर्पण छायाँपछि’मा पनि यिनै कलाकार दोहोरिनेछन् । चलचित्रका निर्देशक पनि तुसली घिमिरे नै रहने बुझिएको छ ।
यसअघि निर्देशक तुलसी घिमिरेले ‘दर्पण छायाँ- २’ नाम राखेर एक चलचित्र निर्माण गरिसकेका छन् । पुष्प खड्का, सहारा कार्कीलगायतको मुख्य भूमिका रहेको उक्त चलचित्रले दर्पण छायाँको साख जोगाउन सकेन । अब दर्पण छायाँकै टिम दोहोरिँदा दर्शक भने यस चलचित्रप्रति आशावादी छन् ।
