काठमाडौं । लघु चलचित्र ‘तिमी नारी’ निर्माण भएको छ । राजु अधिकारीको निर्देशन रहेको चलचित्रमा महिला हिंसा धोका, शोषण, दमन र बिद्रोहको कथा उठाइएको छ । एक दशकअघि एचआइभी पीडित नारीको संघर्ष र साहसको बिषयमा ‘द निर्मला’ निर्माण गरि चर्चा कमाएका अधिकारीले त्यसपछि ‘दिलमा सजाय तिमीलाई’, ‘लेकसाइड’, ‘सुब्बा साहेब’, ‘उल्झन’, ‘मेरो आफ्नो’, ‘माया बस्छ की के हो’ लगायतका ठुलो पर्दाको चलचित्र निर्देशन गरेका छन् ।
आरती अधिकारीको लेखन रहेको चलचित्र आशुतोष फिल्मस् प्रोड्क्सनको ब्यानरमा निर्माण भएको हो । गिरीश भण्डारी निर्माता रहेको चलचित्रमा बसन्त शर्माको प्रस्तुति रहेको छ । चितवन आसपासका स्थानमा छायाँकन भएको चलचित्रमा केडी प्रसित, रुक्सना खातुन, किरण गौतम, अजिता परियार, कमला भण्डारी, बिना मोक्तान तथा सुरज पोखरेलको अभिनय रहेको छ ।
