काठमाडौं – कीर्तितमानी गीतकार डा. डीआर उपाध्यायको नयाँ गीत ‘जहाँ पुग्छ नजर’ सार्वजनिक भएको छ । सिमान्त सन्तोषको स्वर, योगेश काजीको सङ्गीत तथा एरेञ्ज, एचवीन किस्मतको मिक्सिङ÷माष्टरिङ रहेको गीत ‘जहाँ पुग्छ नजर’ को भिडियो सार्वजनिक गरिएको हो ।
युवराज वाइवाकोको निर्देशन रहेको गीतको भिडियोमा गायक सिमान्त आफैँ र अनु पराजुलीलाई फिचरिङ गरिएको छ । गीत जति राम्रो छ गीतको भिडियो त्यतिकै उत्कृष्ट बनेको छ ।
डीआर म्युजिक एन्ड क्रियसनले निर्माण गरेको भिडियोमा विकास दाहालको सम्पादन रहेको छ । हिमालदेखि विभिन्न रमणीय स्थानमा भिडियो कैद गरिएको छ ।
गीतको भिडियोलाई डीआर म्युजिक एण्ड क्रिएशनबाट सार्वजनिक गरिएको हो । यो गीत डा. डीआर उपाध्यायको केही महिना पहिला विश्व रेकर्ड राख्न सफल एल्बम ‘सेभेन्थ कड्स’को हो ।
हालसम्म १८ एल्बम सार्वजनिक गरेका विश्व कीर्तिमानी गीतकार डा. उपाध्यायले गीत लेखेर विभिन्न विधामा १४ विश्व रेकर्ड बनाएका छन् । गीत लेखनसँगसँगै उपन्यास लेखनमा पनि त्यतिकै सक्रिय रहेका उनका दश उपन्यास पाठकमाझ आएका छन् ।
