एजेन्सी । अन्तर्राष्ट्रिय क्रिकेट परिषद (आईसीसी)ले अमेरिकाका बलर निसर्ग पटेललाई बलिङ गर्न प्रतिबन्ध गरेको छ । आईसीसीले पटेलको बलिङ अनाधिकृत रहेको भन्दै तत्कालबाट लागु हुनेगरि प्रतिबन्ध गरेको जनाएको छ ।
विश्व क्रिकेट लिग-२ अन्तर्गत नेपाल र ओमानसँगको त्रिकोणात्मक सिरिजको दौरान पटेलको बलिङ अनाधिकृत पाईएको आईसीसीले जनाएको छ । आईसीसीको प्राविधिक टोलीले सिरिजको दौरान पटेलको बलिङ शंकास्पद र अनाधिकृत ठहर गर्दै आईसीसीलाई कारबाही गर्न सिफारिस गरेको थियो ।
पटेलले अब बलिङएक्सनमा सुधार गर्दै आईसीसीको मान्यता नपाएसम्म प्रतिबन्ध भोग्नु पर्नेछ । पटेलले बलिङ एक्सनमा सुधार गरेर आईसीसीको परिक्षण केन्द्रमा परिक्षण गराउन सक्ने छन् । त्यहाँ आईसीसीले बनाएको स्वतन्त्र कमिटीले उनको बलिङ परिक्षण गर्ने छन् । बलिङमा सुधार भएमा उनको प्रतिबन्ध हट्ने छ ।
