काठमाडौं,
कार्तिक ८
निर्देशक सत्यराज चौलागाई नयाँ चलचित्र ‘अन्तरे’ लिएर आउँने भएका छन । विगत १२ बर्षदेखि निरन्तर नेपाली चलचित्रक्षेत्रमा सक्रिय रही दर्जनौँ चलचित्रमा मुख्य सहायक निर्देशकको रुपमा काम गरेका उनी नयाँ चलचित्र लिएर आउन लागेका हुन ।
रेड आइज फिल्म्स को ब्यानरमा निर्माण हुन लागेको ‘अन्तरे’ लाई राज पण्डित र सुबास रार्इले लगानी गर्दैछन् । अन्तरे एक समसामायिक कथा रहेको सत्यराजले बताए ।
चलचित्रको मुख्य पात्र ‘अन्तरे’ लाई खोजी गरिरहेको र अन्तरे पाउने बितिकै फ्लोरमा जाने तयारीमा रहेको उनले जानकारी गराए । ‘यो अलिक चरित्रात्मक चलचित्र भएकोले त्यही किसीमको चरित्र निर्बाह गर्ने कलाकारसँग कुरा गरिराखेको निर्देशकले बताए ।
