साङलो फिल्म निर्माण एवं निर्देशन गर्न लागेका नायक बिराज भट्टले सोमबार साँझ कुटपिट गरेका निर्माण नियन्त्रक शंकर पाण्डेसंग माफी मागेका छन् । नायक र प्राविधिकबीचको विवाद सुल्झ्याउन मंगलवार दिउँसो चलचित्र प्राविधिक संघले बोलाएको बैठकमा बिराजले माफी मागेका हुन् । बिराजले पाण्डेमाथि हात हाल्नु आफनो गल्ती भएको भन्दै माफी मागेका हुन् । उनले फिल्मका निर्माण नियन्त्रक शंकर पाण्डेलाई कुटेर भुईमा ढालेका हुन् । लामो समयदेखि उनी साङलोको सुटिङका लागि तयारी गरिरहेका छन् तर फिल्म फ्लोरमा जान सकेको छैन ।
यही बिषयमा छलफल गर्नका लागि उनले पाण्डेलाई क्याफेमा बोलाएका थिए । सोमबार साँझ नयाँ बानेश्वरमा स्थित एक क्याफेमा भएको भेटपछि उठेको बिवादले बिराटले पाण्डेलाई कुटेका हुन् । बिराजले पाण्डेलाई फागुनबाट फिल्म सुरु गर्ने भन्दै पुसमा प्रोडक्शन डिजाइनरको रुपमा सम्झौता गरेका थिए । तर फिल्म फ्लोरमा जान सकेको छैतन । यता पाण्डेले बिराजसंग भेटको क्रममा फिल्ममा काम गर्न नसक्ने बताए । उनले काम गर्न नसक्ने भए पैसा फिर्ता मागे ।
पाण्डेले आफुले फिल्मका लागि ४ महिनाभन्दा बढी समयदेखि समय दिएकोले पैसा फिर्ता नगर्ने भनेपछि बिराजको पारो चढ्यो अनि उनले पाण्डेलाई मुक्का बर्साए ।बिराजको मुक्काले पाण्डे भुँईमा नै ढले । त्यसपछि संगै गएका चलचित्र प्राविधिक तथा निर्माता केशव घिमिरेले बिराजलाई छुट्टाए त्यस समय पाण्डेले पनि बिराजलाई मुक्का बर्साए । यता प्राविधिक संघले बिराजले आफनो संघका सदस्य पाण्डेमाथि अपशब्द प्रयोग गर्दे कुटपिट गरेको भन्दै आलोचना गरेको थियो ।
