काठमाण्डौ । स्थायी घर रामेछाप भएर हाल काठमाण्डौमा रहँदै नेपाली गीत संगीतको क्षेत्रमा क्रियासिल कलाकार हुन् गोबिन्द गौतम । उनले अहिले सम्म थुप्रै गीत संगीतहरु प्रस्तुत गरेर अशंख्य श्रोता तथा दर्शाकहरुको मन जितिसकेका छ । गोबिन्दले आफ्ना प्रस्तुति मात्र बजारमा ल्याउँदैनन् सिङ्गो सांगीतिक क्षेत्रमा आएका बिकृति र विसंगतिलाई पनि विभिन्न संग संस्थामा आवद्ध भएर आवाज बुलन्द गर्ने गर्दछन् । उनि रामेछाप सांस्कृतिक कलाकार समाजका उपाध्यक्ष तथा राष्ट्रिय संगीतकर्मी संघको केन्द्रीय कोषाध्यक्ष समेत हुन् ।
उनै गोबिन्दले आफ्नो पछिल्लो प्रस्तुतिको रुपमा बाध्यतावस परदेशिनु परेका आम प्रबासी नेपालीहरुको कथामा एक गीतलाई भर्खरै सार्वजनिक गरेका छन् । उक्त गीत “भिसा हातैमा” बोलको रहेको छ । प्रस्तुत गीतलाई लय तथा शब्द सिर्जना गोबिन्दले नै भरेका हुन् भने स्वर गोबिन्द गौतमको साथमा लोकप्रिय गायिका समिक्षा अधिकारीको सुन्न सकिन्छ ।
निकै मर्मस्पर्सी गीतको म्युजिक भिडियोमा यशु भट्टराई, नबिन गौतम, गुणराज श्रेष्ठ, अन्जु चौलागाईं, दिपक गौतम, करिना खड्का लगायत कलाकारहरुको जीवन्त अभिनय देख्न सकिन्छ । मौलिक रोधीघर युट्युब च्यानल मार्फत सार्वजनिक गरिएको यस गीतको म्युजिक भिडियोलाई प्रमोद के भण्डारीले निर्देशन गरेका हुन् भने छायांकन करन चैंसिर र सम्पादन टेकेन्द्र शाहले गरेका छन् ।
भिडियो हेर्न यहँ क्लिक गर्नु होला ।
