काठमाण्डौ । दर्जनौं गीत संगीतमा काम गरिसकेका श्रीजन पण्डितले राजकुमार लामिछाने संगको सहकार्यमा लोक दोहोरी गीत “कुर्दा कुर्दै” भर्खरै सार्वजनिक गरेका छन् । उनका यस भन्दा पहिलेका थुप्रै गीत संगीतले अशंख्य श्रोता तथा दर्शकहरुको मन जितिसकेको छ । यस गीतलाई पनि सबैले मायाँ गरिदिनुहुन कलाकार श्रीजनले अनुरोध गरेका छन् ।
गीतमा राम मोहन कार्की र सुमित्रा भट्टराईको सुमधुर स्वर सुन्न सकिन्छ । रामहरी भण्डारीको लयद्वारा सजिएको गीतलाई शब्द राजकुमार खनालले भरेका छन् । अजम्बरी प्रेमकथामा तयार भएको “कुर्दा कुर्दै” बोलको गीतको म्युजिक भिडियोमा राजकुमार लामिछाने, भगवती भुजेल र शिब मिश्रको जीवन्त अभिनय देख्न सकिन्छ ।
निकै रोमान्चक स्वादमा तयार भएको यस गीतको म्युजिक भिडियोलाई मिलन श्रेष्ठले निर्देशन गरेका हुन् भने छायांकन सन्तोष तिमल्सिनाले र सम्पादन रोशन धितालले गरेका छन् गीतलाई दिनेश श्रेष्ठ युत्युब च्यानल मार्फत सार्वजनिक गरिएको हो ।
भिडियो हेर्न तल क्लिक गर्नु होला ।
