दिलकुमार घमाल
इन्स्ब्रुक, अष्ट्रियाको शान्त र रमणीय सहर
जहाँ हिमालको चुलोले आकाशसँग मिल्छ
नदीको मुहारमा सूर्यको किरण खेल्छ
र हावा सँगै उड्दै जान्छ संसारको शीतलता
पर्वतका काखमा हरियाली बग्दै
सहरको गल्लीमा मुस्कान फैलिंदै
हरेक पाइलामा इतिहास बोल्छ
यो सहर
यहाँको जीवन साँचै अद्भुत छ
हिमालका शिखरले यहाँको शोभा बढाउँछन्
नदीका लहरहरू सँगै गीत गाउँछन्
धेरै चिसो र शान्ति यहाँका दिनहरू
सपना जस्तो, कल्पनाबाट बाहिर निस्केको
सुन्दरताको कुदन
हजारौं पर्यटक यात्रा गर्न यहाँ आउँछन्
र हरेक हृदयमा शान्तिको गूञ्ज उठाउँछन्
इन्स्ब्रुक, तिमी साँचै स्वर्गिक छौं
तिमीमा हर्ष र शान्ति सँगै साँचिएको सपना छौं
इन्स्ब्रुक !
तिम्रो बयान गर्न सक्दिन
तिमीले लगाएको गुन तिर्न सक्दिन
आकाशझैं फराकिलो छ तिम्रो हृदय
सयौंको भविष्य निर्माण गरिदिएका छौं
हजारौंको भोक र प्यास मेटाएका छौं
त्यसैले त तिमी महान छौ
तिमीलाई भेट्न आउनेहरु
मन्त्रमुग्ध भएर फर्किन्छन्
तिम्रो सुन्दरता र महानताको
सबैले प्रशंसा गर्दछन् ।
ु
