काठमाण्डौ । हाल युरोपमा रहेका लोकप्रिय गायक तथा सर्जक जे.बि ओलीले आफ्नो पछिल्लो प्रस्तुतिको रुपमा लोक दोहोरी गीत “सेतो हिमाल” बोलको गीत सार्वजनिक गरेका छन् । उनले अहिले सम्म दर्जनौं गीत सार्वजनिक गरिसकेका छन् । ओलीको ‘लाल्टिनै बालेर, बोलको पछिल्लो गीत हो । आफु प्रबासमा रहँदा पनि आफ्नै कला संस्कृति र मौलिक परम्परालाई गीत संगीतको माधुर्यताबाट बिस्श्वब्यापीकरण गर्नका निमित्त महत्वपुर्ण भूमिका निर्वाह गरिरहेका उनले आफ्ना पहिलेका श्रीजना जस्तै यस गीतलाई पनि अशंख्य श्रोता तथा दर्शकहरुले मायाँ गरिदिनुहुनेमा बिश्वास व्यक्त गरेका छन् ।
प्रस्तुत गीतलाई लय तथा शब्द श्रीजना जे.बि ले नै तयार पारेका हुन् भने स्वर जे.बि संगै शान्ति श्री परियारको सुन्न सकिन्छ । युरोपमा नै रेकर्ड भएको गीतको भिडियोलाई युरोपमा नै छायांकन गरिएको हो । भिडियोमा ज्योति ढकाल, रस्किन दाहाल, स्तुति बस्नेत, आँचल शर्मा, आकृति अधिकारी, एन्जल सापकोटा, इसु श्रेष्ठ, बिसाका कंडेल, दिपसीखा पाण्डे, सुरक्षा आले मगर र कविता बगालेको आकर्षक अभिनय देख्न सकिन्छ ।
जे.बि ओलीकै निर्देशनमा तयार भएको भिडियोलाई हाल बेल्जिएममा रहेकी बाल कलाकार स्तुति बस्नेतको अभिनयले पनि थप आकर्षक बनाएको छ । साथै ज्योति र रस्किनले पनि आफु भित्रको कला निर्धक्कताका साथमा उतारेका छन् । यस गीतको म्युजिक भिडियोलाई छायांकन बुद्ध बस्नेतले गरेका हुन् भने सम्पादन नबिन घर्ति मगरले गरेका छन् ।
भिडियो हेर्न यहाँ क्लिक गर्नु होला ।
