तीजको दिन पारेर यही शुक्रबारबाट प्रदर्शनमा आउन लागेको फिल्म ‘रावायण’को बहुप्रतीक्षित आइटम गीत ‘करेजा निकरी’ शुक्रबार सार्वजनिक गरिएको छ । भोजपुरी भाषामा तयार पारिएको गीतमा भारतीय गायिका सोनु कक्कड र समीर चौरासियाको गायन छ भने रेवन आरती सिंहको संगीत तथा प्रदीप श्रीवास्तवको शब्द छ । गीतमा निकिता चाण्डक, पल शाह र प्रकाश शाह नृत्य गर्दै प्रस्तुत छन् ।
पल र प्रकाशबीचको टकराव देखाउन खोजिएको गीतमा निकितालाई बोल्ड अवतारमा देख्न सकिन्छ । फिल्मको कथासंग यो गीतले धेरै मात्रामा अर्थ राखेको देखिन्छ । फिल्म ‘रावायण’ सुदर्शन थापा प्रोडक्शन र पूजा शर्मा प्रोडक्शनको संयुक्त ब्यानरमा निर्माण गरिएको फिल्म हो, जसको निर्माता पूजा शर्मा हुन् ।उनले पहिलोपटक आइटम डान्स गरेकी हुन । तराईंको मध्य मधेशको गाउँलाई सेटअप बनाएर खिचिएको गीतमा निर्माण टिमको मिहिनेत र खर्च झल्किएको छ । कोरस मात्र सयौंको संख्यामा छन् ।
सुशन पाठक कार्यकारी निर्माता रहेको यस फिल्ममा पल शाह, पूजा शर्मा, प्रियङ्का कार्की र निकिता चण्डक लगायत कलाकारहरूको अभिनय रहेको छ ।
