काठमाण्डौ । चलचित्र निर्माता, गायक एवं सर्जक बिक्रम जङ्ग शाहको पछिल्लो प्रस्तुति “झ्याप्पै मायाँ” बोलको गीतले छोटो समयमा नै अत्याधिक श्रोता एवं दर्शकहरुको मन जित्न सफल भएको छ । नेपाली नारीहरुको महान चाड हरितालिका तीज २०८१ नजिक आइरहँदा र तीज गीतहरुको माहोल बढी हुँदा पनि सार्वजनिक भएको ३ हप्तामा यस गीतले यत्तिका दर्शक तथा श्रोताहरुको मन जित्न सक्नुमा राम्रो सफलता मान्न सकिन्छ ।
बिक्रम जङ्ग शाहको खोला खाल्छी हे माया, हेर्छौ तन्की तन्की, गर्ल फ्रेन्ड छोडे मैले, माइला, ज्यानलाई भो खतरा लगायतका गीतहरु आज पनि उत्तिकै चर्चामा रहेका छन् ।उनि चलचित्र निर्माता समेत हुन् । बिक्रमले नेपाली चलचित्रमा मौलिक लोक दोहोरीका स्वाद सामेत गर्न पनि निकै राम्रो भूमिका निर्वाह गरेका छन् । बिक्रम राष्ट्रिय संगीतकर्मी संघका निवर्तमान अध्यक्ष समेत हुन् ।
बिक्रमको पछिल्लो गीत “झ्याप्पै मायाँ” मा बिक्रम जङ्ग शाह र स्मृति गौतमको सुमधुर स्वर सुन्न सकिन्छ । बिक्रम क्षणिक चर्चा भन्दा पनि लोकप्रिय हुन रुचाउँछन् । यसकै कारण उनले बिकृतिजन्य गीतलाई सधै ओझेलमा पारेका छन् ।
उनका कयौं गीतले नेपाली लोक तथा दोहोरी गीत संगीतको क्षेत्रमा छुट्टै इतिहाँस रच्न सफल भएका छन् । बिक्रम जङ्ग शाह कै लय तथा शब्द सृजनामा तयार भएको “झ्याप्पै मायाँ” बोलको गीतको म्युजिक भिडियो पनि निकै आकर्षक बनेको छ ।
भिडियोमा शिब थापा आयुष्मा कार्की र कुमार श्रेष्ठको अभिनय देख्न सकिन्छ । शिशिर बुढाथोकीद्वारा निर्देशित भिडियोलाई छायांकन दिपक गिरी र सम्पादन कल्पेश बिस्वकर्माले गरेका हुन् ।
भिडियो हेर्न तल क्लिक गर्नु होला ।
