असोजको २४ गते फूलपातीको दिनबाट रिलिजमा आउन लागेको फिल्म ‘छक्का पन्जा ५’को पहिलो गीत ‘बिहे भाको छैन’ सार्वजनिक भएको छ ।
प्रेम भावले भरिएको यो गीतलाई लोक शैलीमा तयार पारिएको छ ।
सविन सुवेदी र बेनिशा पौडेलको स्वर रहेको यो गीतमा दीपकराज गिरी र दीपक शर्माको शब्द, दीपक शर्माको संगीत छ ।
सुनिल क्षेत्रीले कोरियोग्राफी गरेको गीतको भिडियोमा फिल्मका मुख्य दुई कलाकारहरू दीपकराज गिरी र वर्षा सिवाकोटीलाई फिचरिङ गरिएको छ ।
दीपाश्री निरौलाको निर्देशनमा तयार भएको यो फिल्ममा दीपकराज गिरीको पटकथा, दीपकराज गिरी, केदार प्रसाद घिमिरे र दिलीप तामाङको कथा, पटकथा र संवाद छ । फिल्ममा रोशन श्रेष्ठको एक्सन, विपिन मल्लको सम्पादन, हरि हुमागाँइको छायांकन छ ।
यो गीतले फिल्मको केही कथा भन्न खोजेको छ । एक राजा र एक रानीको कथालाई फिल्ममा देखाइएको आभाष गीतबाट गर्न सकिन्छ ।
यो फिल्मले बक्स अफिसमा धुम मच्चाउने अपेक्षा गरिएको छ । गीतले दर्शकको मन जित्ने निश्चित छ ।
