मुक्तक १
शिकारीसँग मित्रता छ उनको
खै, कता मानवीयता छ उनको
पुजारी बनेर मन्दिरमा बस्दै छन् ,
कता बेपत्ता नैतिकता छ उनको ।
मुक्तक २
आँसु नचिनेका परेलीहरूकाे के अर्थ
कसैले नपढेका ठेलीहरूकाे के अर्थ
अस्तित्व हुँदैन अर्थहीन वस्तुहरूकाे,
सुगन्ध नबाेकेका चमेलीहरूकाे के अर्थ ।
मुक्तक ३
कतै चाेर्न, लुट्न पाएर खुसी हुनेहरू छन्
कसैका मन दुखाएर खुसी हुनेहरू छन्
मान्छे हुँ भन्छन् हिंस्रक व्यवहार छ तिनकाे,
यहाँ मानवता गुमाएर खुसी हुनेहरू छन् ।
मुक्तक ४
आफन्तलाई कहिल्यै पराई नभन्नुहाेला
स्वार्थका लागि मूर्खकाे साथी नबन्नुहाेला
जिन्दगीको कुनै भराेसा हुँदैन महाशय,
आफ्नो लागि आफैले खाडल नखन्नुहाेला ।
डा. घनश्याम परिश्रमी
बर्दघाट नवलपरासी
