काठमाण्डौ भाद्र २७ – लोक तथा दोहोरी गायक गोबिन्द अर्यालले आफ्नो पछिल्लो प्रस्तुतिको रुपमा लोक दोहोरी गीत “ए पापिनी” बजारमा ल्याएका छन् । उनले यसअगी पनि थुप्रै गीतहरु बजारमा ल्याएर अशंख्य श्रोता तथा दर्शकहरुको मन जितीसकेका छन् । गोविन्दले लोक दोहोरी मात्र आधुनिक गीत संगीतमा पनि आफ्नो कला प्रस्तुत गर्ने गर्दछन् । स्थायी घर नुवाकोट भएका उनि कुनै पनि लोक दोहोरी गीत प्रस्तुत गर्दा मौलिक रस नछुटोस् भन्ने मान्यतामा रहन्छन् । फलस्वरूप एक्लो जिबन, घात, जुन दिन, ठेकीमा मदानी, भमरा भुनभुन लगायतका गीत श्रोता दर्शकहरुले मन पराईसकेका छन् ।
उनको पछिल्लो समय बजारमा आएको गीतमा गोबिन्द कै लय शब्द रहेको छ भने स्वर गोबिन्द अर्याल र प्रतिमा अर्यालको रहेको छ । गीतमा आफुले साँचो मायाँ गरेको मान्छेले हुन्छ हुन्छ भनेर मात्र टारेको कथा समाबेश गरिएको छ । “ए पापिनी” बोलको गीतको म्युजिक भिडियोमा कुमार सुनेल र अनु पराजुलीको आकर्षक अभिनय देख्न सकिन्छ । मिलन श्रेष्ठ द्वारा निर्देशित भिडियोलाई सन्तोष तिमल्सिना, बिशाल गोंग्बा र सम्पादन रोशन धितालले गरेका छन् । गीतको अडियो तथा भिडियोलाई मिलन फिल्म्स प्रडक्सन युट्युब च्यानल मार्फत सार्बजनिक गरिएको हो ।
भिडियो हेर्न तल क्लिक गर्नु होला ।
