काठमाण्डौ भाद्र १७ – व्यवसायिकताले मौलिक संस्कृति मासिने हो की भन्ने डर अहिले सम्पूर्ण नेपाली मनहरुमा छ । मौलिता रहे पो नेपालीत्वको गर्व गर्न सकिन्छ । यहि बुझाईलाई आत्मसाथ गर्दै लोकप्रिय मोडल, गायक तथा सर्जक गोकुल प्रसाद ढकालले आफ्नो प्रस्तुतिमा मौलिक लोक दोहोरी गीत “गङ्गा र जमुना” बोलको गीतलाई भर्खरै सार्बजनिक गरेका छन् । त्यसो त गोकुलले यस भन्दा पहिले पनि केहि गीत सार्बजनिक गरिसकेका छन् । उनले यो गीत भने आफु संगै कुमार सुनेल संगको संयुक्त प्रस्तुतिको रुपमा साबजनिक गरेका हुन् ।
प्रस्तुत गीतमा गोकुल प्रसाद ढकालको मौलिक लय शब्द रहेको छ भने स्वर सन्तोष बिसी, कोपिला तामाङ्ग वाइबा, गोकुल प्रसाद ढकाल र संगीता ढुंगेलको रहेको छ । आफुलाई मन परेको मान्छेले दाजु भाईको साइनो लगाएपछी मन खोलेर पोई भन्न सकिदैन र !! भन्ने किसिमको भाव रहेको गीतको म्युजिक भिडियोमा कुमार सुनेल, गोकुल प्रसाद ढकाल, बिना राउत, राजन चौलागाईं खैराते र निहारिका थापाको आकर्षक अभिनय देख्न सकिन्छ ।
भिडियोलाई निर्देशन मिलन श्रेष्ठले गरेका हुन् भने छायांकन सन्तोष तिमल्सिना र सम्पादन पदम सुबेदीले गरेका छन् । लोकप्रिय मोडल, गायक तथा सर्जक गोकुल प्रसाद ढकालले पहिलेका गीतलाई जस्तै यस्तै गीतलाई पनि सम्पूर्ण संगीतका प्यासी मनहरुले माया गरिदिनुहुन आग्रह गरेका छन् ।
भिडियो हेर्न तल क्लिक गर्नु होला ।
