नेपाली गीत संगीतको विकासमा निरन्तर लागिरहेको म्युजिक कम्पनी आदर्श प्रोडक्सनसले नयाँ गीत ‘न्यानो साथ’लाइ हालसालै सार्वजनिक गरेको छ । लोकप्रिय गायिका बेनिषा पौडेल र विजय अर्यालको सुमधुर स्वर रहेको गीतमा विजय अर्यालकोको नै शब्द संगीत र बिशाल निरौलाको एरेन्ज रहेको छ ।
आदर्श प्रोडक्सनस(Aadarsh Productions)को अफिसियल युट्युब च्यानलबाट सार्वजनिक गरिएको भिडियोमा शाहील खानको अभिनय रहेको छ । बिज्ञान राइको निर्देशनमा तयार भिडियोमा संजय लामाको क्यामेरा र मिलन श्रेष्ठको सम्पादन रहेको छ । आदर्श प्रोडक्सनले यस अघि पनि धेरै नेपाली र भोजपुरी गीतहरुको भिडियो निर्माण गर्दै आएको र अब छिट्टै चर्चित गायिका प्रबिशा अधिकारीको स्वरमा रहेको गीतको भिडियो निर्माण गरिने यसका संचालक राकेश शाहले जानकारी दिनु भयो ।
