काठमाण्डौ असोज १३ – हाल प्रबासमा रहेका लोकप्रिय गायक तथा सर्जक जे,बि ओलीले आफ्नो पछिल्लो प्रस्तुतिको रुपमा “लाल्टिन बालेर” बोलको गीत सार्बजनिक गरेका छन् । बिस्वको जुनसुकै मुलुकमा पुगेता पनि आफ्नो मौलिक संस्कृतिको मोह नमेटिने रहेछ भन्ने कुरा उनको यो प्रस्तुतिले प्रस्ट्याउछ । जे.बि को यस भन्दा पहिले “राजा मार्ने देश” सार्बजनिक भएको थियो । देशको घटना परिघटनालाई आफ्नो सांगीतिक प्रस्तुति मार्फत उजागर गर्दा नकारात्मक प्रतिक्रिया आउने हो कि भन्ने किसिमको संकोच हुँदा हुँदै पनि उनको यो प्रस्तुति सफल भएको छ ।
हाल जे.बि ओलीको बजारमा आएको गीत “लाल्टिन बालेर” मा जे.बि ओली कै लय शब्द रहेको छ भने स्वर जे.बि ओली को साथमा राधिका हमालको पनि सुन्न सकिन्छ । यस गीतको म्युजिक भिडियोमा गाउँमा रोधी बस्दाको क्षेणलाई छर्लङ्ग पार्ने प्रयास गरिएको छ । भिडियोमा शेर बहादुर क्षेत्री, लेखिना राई, तिलक शाही ठकुरी, संगीता खाती लगायत कलाकारहरुको आकर्षक अभिनय देख्न सकिन्छ । खेमराज गौतम द्वारा निर्देशित भिडियोलाई सरोज शाहीले छायांकन गरेका हुन् भने सम्पादन निराजन के सी ले गरेका छन् । गायक तथा सर्जक जे बि ले पहिलाका आफ्ना प्रस्तुति झैं यस प्रस्तुतिलाई पनि अशंख्य श्रोता तथा दर्शकहरुले माया गरिदिनु हुनेछ भन्ने विश्वास राखेका छन् ।
भिडियो हेर्न तल क्लिक गर्नु होला ।
