काठमाण्डौ भाद्र ८ – नेपालीहरुको घर आँगनलाई अब चाड-बाडले ढपक्कै बनाउदै छ । यहि समयमा लोक संगीतको क्षेत्रमा दशैँ बिशेष गीत पनि थुप्रै सार्बजनिक हुन थालेका छन् । यसै भिडमा लोकप्रिय गायक तथा सर्जक उमेश श्रेष्ठ र मिलन राईले पनि भर्खरै एक दशैं गीतलाई सार्बजनिक गरेका छन् । उक्त गीत “यसपालिको दशैंमा घर आउँन सकिन” बोलको रहेको छ । यस गीतका प्रस्तुतकर्ता उमेशले यस भन्दा पहिले पनि थुप्रै गीत संगीतहरु सार्बजनिक गरिसकेका छन् । नेपाली गीत संगीतकै बजार व्यवस्थापनका लागि भनेर उनले आफ्नै उमेश कभर मिडिया नामको युट्युब च्यानल पनि संचालनमा ल्याएका छन् ।
यसै च्यानल मार्फत सार्बजनिक भएको “यसपालिको दशैंमा घर आउँन सकिन” बोलको गीतलाई उमेश आफैले लय शब्द भरेका हुन् भने स्वर जनक लामा, उमेश श्रेष्ठ र अर्चना स्याङ्गतानको सुन्न सकिन्छ । नेपालमा नै केहि गर्छु भन्दा कुनै कुरामा पनि सफल नभएपछी परदेशिनु परेको र यस्ता महान चाडमा समेत आफ्नो घर परिवार संग रहन नपाएको एक युवाको कथामा सजिएको यस गीतको म्युजिक भिडियो भने हाल सम्म प्राप्त छैन । निकट भबिस्यमा नै निर्माण भएर यस गीतको म्युजिक भिडियोलाई सार्बजनिक गरिने जानकारी यस गीतका प्रस्तुतकर्ता उमेशले दिएका छन् ।
अडियो सुन्नको लागि तल क्लिक गर्नु होला ।
https://fb.watch/nh9OK_voWP/
