काठमाण्डौ भाद्र ८- स्थायी घर दोलखा भएका दिनेश भुजेल अहिले नेपाली लोक तथा दोहोरी गीत संगीतको क्षेत्रमा स्थापित हुन काठमाण्डौमा संघर्स गरिरहेका छन् । उनले अहिले सम्म करिब आधा दर्जन भन्दा बढी गीत संगीतहरु सार्बजनिक गरिसकेका छन् । उनको ए है रेशम, ए नक्कली, दन्ते लहर, छुकछुके रेल, ए है रेशम भाग २, खोलि सुसाउने लगायतका गीत आज पनि उत्तिकै चर्चामा रहेको छ । बिशेष गरेर आफ्नै कला संस्कृति र मौलिकतालाई प्राथमिकतामा राख्ने उनै लोकप्रिय गायक तथा सर्जक दिनेश पुनः अर्को “सपनीमा” बोलको गीत सार्बजनिक गरेका छन् ।
गीतमा दिनेश भुजेल, प्रतिमा अर्याल र सागर मायाँ जिरेलको सुमधुर स्वर सुन्न सकिन्छ । गीतमा आफुले मन पराएको मान्छेको समिप पुग्दा संसार जितेको महसुस हुने भाव समाबेश गरिएको छ । निकै रोमान्चक स्वादमा तयार भएको गीतलाई लय बिष्णु तामाङ्गले भरेका हुन् भने शब्द दिनेशको नै रहेको छ । “सपनीमा” बोलको गीतको म्युजिक भिडियोमा सन्जिब ठकुरी र रबिना भण्डारीको आकर्षक अभिनय देख्न सकिन्छ । भिडियोलाई निर्देशन सन्जिब ठकुरीले गरेका हुन् भने छायांकन प्रकाश खड्का र सम्पादन अभिनयक मान सेरचनले गरेका छन् ।
भिडियो हेर्न तल क्लिक गर्नु होला ।
