काठमाण्डौ अशोज ०७ – लोक तथा दोहोरी गायिका सलिना मोक्तानले आफ्नो पछिल्लो प्रस्तुतिको रुपमा “तिम्रै लागि हे माया” बोलको गीतलाई सार्बजनिक गरेकी छिन् । स्थायी घर खोटाङ्ग वाकाचोल भएकी उनले यस अघि पनि थुप्रै गीतहरु सार्बजनिक गरिसकेकी छिन् । बिशेष गरेर आफ्नै कला संस्कृति र मौलिकतालाई ध्यानमा राखेर आफ्नो सांगीतिक यात्रा अगाडी बढाईरहेकी सलिनाको भर्खरै सार्बजनिक भएको गीतमा माया प्रेममा प्रगाडताको भाव समाबेश गरिएको छ ।
जनक लामा, सलिना मोक्तान, रेशम थिङ्ग र अर्चना स्याङ्गतानको सुमधुर स्वरले सजिएको “तिम्रै लागि हे माया” बोलको गीतलाई लय रेशम थिङ्गले तयार पारेका हुन् भने शब्द बिष्णु आले मगर र पूर्ण बहादुर अधिकारीको रहेको छ । गीत निकै रोमान्चक स्वादमा तयार भएको छ । गीतको मिठासता जस्तै म्युजिक भिडियोलाई पनि उस्तै आकर्षण प्रदान गरिएको छ । प्रस्तुत गीतको म्युजिक भिडियोमा सिद्धार्थ जैगडी, सबिता थपलिया, एल बि बस्नेत र निशु थापाको अभिनय देख्न सकिन्छ । गीतको म्युजिक भिडियोलाई शिशिर बुढाथोकीले निर्देशन गरेका हुन् भने छायांकन दिपक गिरी र सम्पादन कल्पेश बिस्वकर्माले गरेका छन् ।
भिडियो हेर्न तल क्लिक गर्नु होला ।
