अमेरिकाको पेन्सीलभानिया निवासी सफल रचनाकार शेखर कोइराला(चन्द्र) को नयाँ गीत ‘म जलेको चिता’ सार्वजनिक भएको छ । चर्चित गायक प्रमोद खरेलको स्वरमा समाबेश गीतमा सुनिल बिसीको संगीत र बिशाल निरौलाको एरेन्जमेन्ट रहेको छ ।
यसै गीतको भिडियो मार्फत निर्देशनमा डेब्यु गरेकी मोडेल समिक्षा पोखरेल र बिकास लामीछाने जिवन्त अभिनय रहेको गीतको भिडियोमा बसन्त कुँवरको सिनेमाटोग्राफी ,बलभद्र कुँवरको सम्पादन रहेको छ।
पहिलो भिडियो भएपनि निर्देशकले राम्रोसंग कथालाई बगाउन सफल भएकी छिन । आधा दर्जन भन्दा बढी गीत रेकर्ड भैसकेका रचनाकार शेखर कोइरालाको गत बर्ष मात्रै गीती कविता संग्रह ”ममता” सार्वजनिक भएको थियो भने गजल संग्रह “प्रेमाश्रु” छिट्टै नै प्रकाशन हुने तयारीमा हुनुहुन्छ। त्रिवेणी साहित्य मञ्च,पेन्सीलभानिया,भूटानी अमेरीकन संगीत संगठनको साथै विभिन्न साहित्यिक,सांस्कृतिक तथा सांगीतिक संस्थाहरूमा सक्रिय भएर आबद्ध हुनुहुन्छ।
