काठमाडौ । चर्चित र्यापर बुलेट फ्लोको संगको सहकार्यमा अस्ट्रेलियामा रहेकी नव गायिका हिमानी कानले आफ्नो पहिलो म्युजिक भिडियो ‘जेनेरेसन’ सार्वजनिक गरेकी छिन्।
महेश ज्ञवालीको शब्द संगीत रहेको गीतमा विशाल पौडेलले संगीत संयोजन गरेका हुन्। म्युजिक भिडियोमा टिकटक स्टार उषा उप्रेती, विना राउत, श्रृष्टी खड्का, लोशिना लामिछाने , सोनिया महत , प्रिन्शिका श्रेष्ठ र अलिशा श्रेष्ठको अभिनय रहेको छ ।
सन्तोष राजबाहकले कोरियोग्राफी गरेको यस भिडियोलाई बुद्ध थापाले छायांकन गरेका हुन्। विकाश दाहालले सम्पादन गरेको भिडियोलाई भिडियोलाई चर्चित युवा निर्देशक सशान कंडेलको निर्देशनमा तयार पारिएको हो। आरोन कान निर्माता रहेको भिडियोलाई ब्ल्याक आइ क्रियसनको अफिसियल च्यानलबाट सार्वजनिक गरिएको हो ।भिडियोलाई दर्शक स्रोता बाट सकारात्मक प्रतिक्रिया प्राप्त भैरहेको छ।
